ရွက်ကြွေ

ဒါဟာ နွေ

ရွက်ဝါကြွေတာ သဘာဝပါ

မြေကို ဆင်းတဲ့ မင်းတို့မှာ

အပိုဆောင်းလျှက်

မဟောင်းတဲ့ "သီအိုရီ" တစ်ခု

Formula တွေကို

Formation ထဲထည့်ပြီး

ကိုးကွယ်နေသူက ညီမလေး.....




ဒါဟာ ကမ္ဘာဆွဲအား "သီအိုရီ" တဲ့

"နယူတန်" သာမရှိခဲ့ရင်

မှန်ပါ့မလား?



Microscope ကို မျက်မှန်လုပ်တယ်

Lab ထဲမှာ အရင်းအမြစ်ရှာတဲ့သူ

စာအုပ်ထူတွေကြားက အားကျမခံ

Fossil ရဲ့ နောက်ဆုံး ပျက်သုန်းခြင်းတဲ့

မငြင်းနိုင်ပေမယ့်

ဒါလည်း မဟုတ်နိုင်သေးဘူး.....



ဓမ္မရဲ့ အနတ္တ "မမြဲခြင်း သင်္ခါရ"

မြင်သမျှ တရားကျနေသူက

သိက္ခာရလေသံနဲ့ တရားချ

ဟင့်အင်း! ကျွန်တော်.......

တရားမရ ချင်သေးဘူး.....



တဂိုးနဲ့ နဝဒေး ကို အိတ်ထဲထည့်

Lecture တက်ရင်း ကဗျာ စပ်တဲ့သူ

ဘဝရဲ့ နောက်ဆုံး အရှုံးပေးခြင်း

ရက်ရက်စက်စက် မနင်းရက်ဘူးကွယ်တဲ့

လေးစားပါတယ် ကဗျာဆရာ....



ဒါပေမယ့်

သူတို့ အားလုံးမှားနေတယ်<ရွက်ကြွေတွေက ပြုံးပြီးပြောတာပါ>

<စနေနေ့မှာ တွေ့ကြမယ်ဆိုပဲ ကျွန်တော့်ဘေးက အတွဲက ပြောတာ>

ဒါဟာ ကျွန်တော် တစ်ယောက်တည်း ကြားရတဲ့

ရွက်ကြွေ သီအိုရီပါပဲ....